ÆÆÆÆÆÆÆ ég hélt ég slyppi við klukkklikkið......

4 störf sem ég hef gegnt

Rakari

Skurðgrafa

Kokkur

Lyftarakall

4 staðir sem ég hef búið á

Akureyri

Dalvík

Bristol

Yate

4 myndir í uppáhaldi

Man bites Dog

Bad Boy Bubby

Holy Grail

Twelve Monkeys

4 sjónvarpsþættir

Boston Legal

QI

Bullshit

Harvey Birdman Attorney At Law

4 bækur lesnar oftar en einu sinni

Fávitinn

Meistarinn og Margarita

Niðurlægingin

Don Kíkóti

4 réttir sem væta munninn

Pasta Marjan á Carúsó

Rjúpan hjá mömmu

Fiskisúpan mín

Lauksúpan hans Gunna Palla vinar míns

4 síður sem ég heimsæki

mogadon @btnet.is

Orninn.org

google

já.is

4 staðir sem ég hef heimsótt í fríum

Amsterdam

Bristol

Kaupmannahöfn

Kelduhverfi

4 staðir sem ég vildi vera á núna

Þar sem ég er

Bristol

Gaza

Inní hausnum á JVJ

4 bloggarar sem ég vil klukka

JVJ

BB

Guðrún Hildur Kolbeins

Vilhjálmur Örn Vilhjálmsson.

Og hana nú......

 

Olíuhreinsistöð á vestfjörðum......

Það þarf varla að fara mörgum orðum um hverju vont vetrarveður hefði bætt við þessa frétt....

....hvernig hljómar þetta " Risaolíuskip rekur vélarvana upp að Látrabjargi og brotnar í tvennt...."...

....olíuhreinsistöð á vestfjörðum, tsk tsk...er ekki allt í lagi ?

Olíuskip strandaði á Ísafirði

Nú skaltu loka á mig Árni Matthíasson........og verði þér að góðu.

Jæja, nú er ég búinn að fá nóg af þessu helvítis ritskoðunarkjaftæði í Árna Matt. og félögum hjá MBL.IS.

Það er með algjörum ólíkindum að netsamfélag sé ritskoðað af sjálfsskipuðum siðapostulum. Árni Matt sem í gegnum tíðina hefur kennt sig við pönk og uppreisn, er orðinn að mestu HÓRU pólitískrar rétthugsunar í sögu netsins, hann lokar á fólk hægri vinstri og telur sig ekki þurfa að svara fyrir það á neinn hátt.

Nú lokaði hann á einn besta penna bloggsins og telur vefinn betur settan !

Þvílíkt fífl !

Er þetta sölumaður ? Nei. Er þetta ritstjóri ? Nei....

.....þetta er dæmigerður íslenskur hórkarl sem selur á sér rassgatið fyri EKKI NEITT!

Þér væri nær að skoða betur hvað þú ert að gera Árni, eða var það svona sem þú fórst að því að gagnrýna tónlistarmenn hér áður fyrr ?

Nú máttu vita að ég og fleiri erum að vinna í því að eyðileggja helvítis aumingjaháttinn þinn, með því að staela öllum kúnnunum þínum ! ( ekki það að það þurfi, þú ert að vinna vinnuna fyrir okkur.)

Vertu svo blessaður,     og þið hin, takk fyrir mig og sjáumst á Orninn.org hjá honum Einari Val ( jevbmaack)

Til hamingju Björn Bjarnason, þetta var gott hjá þér.

BB var að ákveða að vísa máli Ramsesar (man ekki fornafnið), aftur til Útlendingastofnunar til efnislegrar umræðu. Á meðan er Ramses heimilt að dvelja hér á landi hjá konu sinni og barni. Þetta eru góð tíðindi úr dómsmálaráðuneytinu, og vonandi að áframhaldið verði á sama veg.

Það er ekki auðvelt að hrósa BB svona, en ég get ekki annað. Hann hefur hingað til ekki sýnt annað en að hann sé mjög tortygginn, svo ekki sé meira sagt, út í útlendinga. Nú væri gaman að fara að sjá löggjöf um aðbúnað innflutts vinnuafls lagaða að veruleikanum, launamál, tryggingamál, skattamál og svo margt fleira sem því viðkemur, þessu fólki sem hingað kemur til að vinna eða finna skjól.

Eru stjórnmálamenn á Íslandi ekki háðir atkvæðum ?

Nýjasta nýtt í Borginni er að nú á enn eina ferðina að hafa okkur að fíflum. Okkur er tjáð á þennan hátt að vilji íbúa borgarinnar skiptir engu máli. Til hvers erum við að mæta á kjörstað ef niðurstaða er ekki bindandi ? Getum við ekki alveg eins boðið þetta út á almennum markaði?

Það er allaveg ljóst að flokkunum er ekki treystandi til að starfa af heilindum og virðingu fyrir íbúum borgarinnar. Flokkarnir snúast eingöngu um sjálfa sig og sína hagsmuni, og þeir GETA ekkert annað. Í mínum bókum heitir þetta sjálfhverfa og hroki.

Þessi bófalýður á ekki að vera á launum hjá okkur öðruvísi en að við HÖFUM EITTHVAÐ AÐ SEGJA um stjórnunina. ég vona að þeir sem kusu þetta hyski skammist sín og sjái nú ljósið, það þarfa að breyta þessum málum svo við getum rekið óhæft fólk með skömm og skít, hvaða atvinnurekandi myndi sætta sig við svona skrípaleik ? ENGINN, það held ég að sé ljóst. Ég tek borgarstjórnina ekki alvarlega, þetta er ekki mín stjórn. Virðingu mína fær þetta pakk ekki, ALDREI, enda vil ég ráða því sjálfur hver tekur mig í rassgatið, þetta er rassgatið mitt.

Ég auglýsi hér með eftir fólki í aðgerðarhóp sem hefur það að markmiði að gera tilveru þessa hyskis ómögulega. Hvar býr það, hvaða kaffihús stundar það, hvar fer það í ræktina, á hvaða skemmtistaði, hvar á það sumarhús.????

Það er alveg sjálfsagt að minna þennan ruslaralýð á FYRIR HVERJA ÞAÐ ER AÐ VINNA !

Það er að vinna fyrir okkur EKKI FLOKKANA.

 

Lík-legt prakkarastrik eða lík-amnað listaverk......

Enn tekst Snorra Ásmundssyni að hrista upp í fólki og nú með auglýsingu í Fréttablaðinu, þar sem hann auglýsir eftir líkum í videógjörning sem hann vinnur að.

Í fréttum í kvöld lýsti guðfræðingur nokkur því yfir að sér þætti auglýsingin " óviðkunnanleg " sem er auðvitað skelfilegt að vita. Það er auðvitað agalegt að nokkur skuli vera óviðkunnanlegur í augum guðfræðingsins en varla er það fréttnæmt. Skiptir einhverju máli yfirleitt hvað honum þykir óviðkunnanlegt ? Er tepruskapurinn orðinn svo yfirgengilegur að smekkur guðfræðings á list sé viðmiðun ? Annars held ég að yfirlýsing guðfræðingsins hafi fullkomnað gjörning Snorra, enda greinilegt að " líkin " eru ekki öll látin, sum eru enn lifandi og bera titla, svo Snorri er lík-lega búinn að fá " líkið " sitt.

Mannslíkaminn hefur frá örófi alda verið efni í listsköpun, allt frá húðflúri til þess að skreyta híbýli og fólk með líkamshlutum. Katakomburnar, hausaveiðarar, Vlad stjaksetjari, Idi Amin, maóríar, rokkarar og kristin kirkja, allir nota mannslíkamann í listsköpun og helgihald. Líkamanum er breytt, hann mótaður, afskræmdur og skrumskældur, líkamar eru keyptir, seldir, leigðir, lánaðir, þeim stolið og flaggað á söfnum, svo ég verð nú að segja að það að auglýsa eftir líkömum getur varla verið nóg til að setja hroll að fólki.

Hvað finnst ykkur ?

Lifi Rósenberg!!

Í fyrra gerðust þær hörmungar að Lækjargata 2, sem hýsti Þórð Pálmason og veitingahúsið hans, Café Rosenberg, brann og  ótal tónlistarmenn og gestir staðarins urðu frekar daprir.

Miklir tónleikar voru settir saman á einni viku til að deyfa sorgina og reyna að minnka tjón Þórðar. Um 20 hljómsveitir og tónlistar atriði voru í boði og deildust á tvö kvöld, sem urðu algerlega ógleymanleg fyrir alla, held ég. Allir sem hönd lögðu á plóginn eiga heiður skilinn, því enginn tók krónu fyrir og færri komust að en vildu.

Nú eru hins vegar að renna upp bjartari tímar, því Þórður er aftur að fara af stað þar sem áður var 7 9 13, og þar áður Spútnikk, á Klapparstíg. Þar ætlar þessi óeigingjarni tónlistarvelunnari að hefja starf  sitt að nýju. Það er öllum ljóst sem til þekkja, að Þórður hefur gert meira fyrir íslenska tónlistarmenn en flestir, alltaf tilbúinn að veita mönnum tækifæri, og þeir eru ófáir sem stigu sín fyrstu skref hjá honum, og héldu svo áfram þaðan í hæstu hæðir. Og hann er orðinn þekktur víðsvegar um heim vegna tengsla við erlenda tónlistarmenn sem hann hefur flutt inn héðan og þaðan gegnum árin.

Café Rósenberg var annálaður fyrir gott andrúmsloft, ( líka fyrir reykingabann ) en líka fyrir tónlist og þá staðreynd að gerð var krafa um að hafa hlutina lágstemmda og gæta hófs í græjum og svoleiðis, það var aldrei nein þorrablótsstemmning þar. En það er engin ástæða fyrir því önnur en sú að vertinn kann sitt fag, og flestum betur. Það er þessvegna ekkert minna en guðdómlegt að Café Rósenberg haldi velli. Lifi Rósenberg.

Jæja, þetta er orðið fínt. Næsta mál á dagskrá, sjálfbærni í eldsneytismálum.

Þetta olíuverð er orði algjört rugl, það er kjánalegt að taka þátt í þessari vitleysu lengur. Við erum fullfær um að vera sjálfbær með eldsneyti, og það væri besta sparnaðaraðgerðin fyrir Ísland. Við sæjum hagstæðari inn- og útflutningstölur, fínasta boost fyrir sjávarútveginn, landbúnaðinn, og heimilin í landinu. Við búum við kosti hvað þetta varðar, sem ekki allir geta státað af og það verður að teljast undarlegt að meira fé og tíma skuli ekki vera varið í þetta, við eyðum öðru eins í tóma sýndarmennsku.

Maður spyr sig hversvegna umræða um þetta sé ekki háværari, þegar umhverfismál eru í brennidepli, samdráttartímar , glæpssamlegt olíuverð og óhagkvæmni þess að vera tengd við olíuverð á stríðstímum. Við erum sjálfbjarga, björgum okkur sjálf.

Vissulega kostar þetta tíma og peninga, en þetta væri stórkostleg kjarabót fyrir landið allt, og yrði ekki lengi að borga sig. Það kostar jafnmikið ef ekki meira að hanga á olíunni.

 

ERU ÍSLENDINGAR TILBÚNIR Í EXXON VALDEZ?

Olíuhreinsistöð á vestfjörðum er nýjasta nýtt í dag. Bjargræði landsbyggðarinnar skal vera stóriðja, alveg sama hvað hver segir.

Við búum í heimshluta sem er ekki beint frægur fyrir veðurblíðu eða öruggar siglingar. Hér er allra veðra von, erfiðir straumar og strandlengja sem oftast leyfir engin mistök. Reyndustu skipstjórar lenda reglulega í vandræðum hér við land og við erum ekki alltaf í stakk búin að bregðast við því ( sbr Vikartind, gott að það var ekki olíuskip, ha ? ), við eigum alltaf von á óhæfum skipstjórum, lítt haffærum skipum, og vanþekkingu á aðstæðum.

Það hljóta allir að vera sammála um að olíuslys við strendur landsins eru ekki beinlínis eftirsóknarverð. Ætli menn að reyna að sigla héðan með fullar lestir af olíu og bensíni, þá verð ég að segja að mér finnst það hálf scary.

Það þarf varla að nefna áhrif þessa á ferðamannaiðnaðinn, sem er afar ört vaxandi iðnaður, áhrif þessa á almenningsálitið í umheiminum, og pólitíkina hér, tsk tsk.

Önnur hlið á málinu er sú að það verður að teljast ólíklegt að þessi stöð verði byggð og mönnuð öðrum en fólki sem gengur kaupum og sölum hjá verktökum og starfsmannaleigum sem eru ekkert annað en þrælahald. Kárahnúkar sönnuðu, svo ekki verður um villst, að löggjöfin okkar getur ekki verndað þetta fólk. Það hefur leitað á mig sú spurning hvort Schengen aðildin hafi verið sniðin að " þörfum " þessara sömu verktaka ? Erum við vísvitandi að draga lappirnar við að bjóða erlendu vinnuafli lagalega vernd gegn svona þrælahaldi ? Þetta er smán.

Það eru til ótal dæmi um svona þrælahald, og alls ekki bara í Þriðja heiminum, heldur í allri Evrópu, USA, OG HÉR Á ÍSLANDI. Það er ótrúlegt að sömu stjórnmálamenn og vilja sem mest flæði útlendinga til landsins, eru ekki að lyfta fingri til að tryggja afkomu þessa sama fólks. Ekkert finnst í lögum sem hægt er að beita gegn sköpun " æðri og óæðri " starfsmanna. Ekkert annað en eldvarnasjónarmið gagnrýnir híbýlin sem gráðugir snillingar láta fólk hírast í, engin lög!

Það eru því afskaplegir kjánar í mínum huga sem halda að þetta verði atvinnuskapandi að einhverju marki hér á landi, við erum þvert á móti að búa til störf sem innfæddir kæra sig ekki um og verða unnin af fólki sem er haldið í 17. aldar veruleika. Ég vil hvetja alla til að kynna sér starfsaðferðir nútíma þrælahaldara og sala, og skoða það af hverju Kárahnúkar urðu ekki til þess að löggjöf okkar yrði bætt til að tryggja jafnréttissjónarmið.

Bendi ykkur á eina trausta heimild, bókina " Niðurlægingin " eftir Günther Wallraff, þýskan rannsóknarblaðamann sem dulbjó sig sem tyrkneskan verkamann og lifði , vann og bjó sem slíkur, og skrifaði svo þessa verðlaunabók um reynsluna.

Hafið svo í huga að það hefur ekkert breyst annað en það að fólk er orðið enn dofnara fyrir þessu.

Spyrjið svo sjálf ykkur ; AF HVERJU?

AUGLÝSING.....

Á fimmtudagskvöld verða Sound & Fury að spila á English pub frá kl 11.