REKUM ERLENDA GLÆPONA ÚR LANDI; MEÐ ENDURKOMUBANN!!

Frændur vorir Danir eru nú að bregðast við stefnu sem brást....en heldur seint.

Þetta vil ég sjá gert hér, strax!

Erlendir glæpamenn eiga ekki að afplána hér, því eins og komið hefur fram, þá finnst þeim mörgum bara ágætis tilhugsun að lenda í Íslensku fangelsi, miðað við annað. En við eigum að nota plássið og peningana í annað, t.d. ÍSLENDINGA.

Burt með þá, ekki venja þetta lið á spenann.

Glæpamenn sendir úr landi í Danmörku

Snorri minn, koddu kallinn, ég skal gefa þér bein...

....Nú, héðan af Bloggheimamelum í Endurvarpsdal er það helst að frétta núna, að keppni í flokki varðhunda er lokið og úrslit eru ljós. Það er hundurinn Eyja-Snorri sem sigrar með yfirburðum, en hann er varðhundur af Betel-kyni.

Hunda kyn þetta er ævafornt, og  er jafnan nefnt af vísindamönnum sem það hund-kyn sem minnst hefur breyst á þeim 3000 árum sem hann hefur gætt spilltra stjórnmálamanna, æðstupresta, og annara sem hafa þurft að viðhalda valdi sínu með valdi og blekkingum. Hann er húsbóndahollur með afbrigðum og árásargjarn við aðra.

Hann verður seint talinn hæfur sem heimilishundur, enda yfirgangssamur og frekur, og því er ráðlegt að hleypa þessum hundi aldrei inn á heimilið. Það má geta þess að þetta er hópdýr sem hefur ákaflega sterka tilheigingu til að beita ofbeldi, hvort sem er til að komast upp goggunarröðina í eigin hóp, eða til að verja svæðið sitt, sem er yfirleitt svæði sem aðri hafa þegar helgað sér.

Það er því ljóst að þetta er ekkert gæludýr, en án efa besti varðhundur dagsins, hér á Bloggheimamelum.........bíðið við..það....já það liggja fyrir úrslit í flokki svikahunda..og það er.........Sjónvarps-Eiki, svikahundur af Omega-kyni..ekkert sörpræs þar, ég held nú að enginn hafi átt von á öðru hér í dag, enda margkrýndur meistari. Látum þetta duga í bili héðan af Bloggheimamelum en keppnin heldur áfram, miera seinna,yfir til þín........ 

VIÐ HVAÐ ER SNORRI HRÆDDUR?

Var að kommenta á síðu Snorra í Betel, hann birtir ekki komment nema ritskoða fyrst.....ótrúlegt að þessi fordómafulli og hatursalandi maður, sé líka heigull sem ekki einu sinni treystir eigin skoðunum og sannfæringu nógu vel til að treysta guði fyrir BLOGGSÍÐUNNI SINNI. Spenntur að sjá hvort hann birtir kommentið..........

Sölumenn dauðans og Hippokrates, eru þeir vinir?

Morfín, Contalgin, Kodein, Metadon, Fortral, Amfetamín, Ritalín, Mogadon, allt eru þetta lyf sem ekki fást nema gegn lyfseðli, sum jafnvel eftirritunarskyld.

Samt eru þetta lyf sem flæða um á Íslandi. Þeim er ekki smyglað inn í landið og ekki búin til í bílskúrum. Þau koma frá læknum.

20 einstaklingar látist frá börnum sínum...... ung kona finnst látin á hótelherbergi.....par finnst látið í yfirgefnu húsi.....ungur maður lést eftir tilraunir með Morfín.....

Læknadópið drepur flesta sem deyja af völdum of stórra skammta, og er það dóp sem veldur mestri fíkn. Um þetta virðist ríkja algjör meðvituð þögn.

Finnst engum að ákæruvaldið þurfi að fara að koma að þessu? Ég minnist dæmis þar sem geðlæknir ávísaði margra mánaða skammti af Morfíni, á nokkurra vikna tímabili, á sama manninn.

Geðlæknir að ávísa á Morfín!?

Hann fékk áminningu. Hann er ástæðan fyrir því , (ekki einn, ég veit ) að það er ekki Heróín á Íslandi að neinu marki. Markaðurinn fyrir ópíöð er mettaður af læknunum.

Er það svo að það sé talið skárra? Er hugsað sem svo að þá sé " allavega ekkert Heróín "? Viljið þið þá ekki útskýra það fyrir aðstandendum (og börnum ) þeirra sem látast af völdum þessara lyfja, ekki útskýra það fyrir mér.

Sumir læknar skýla sér á bakvið það að þeim sé hótað. SO WHAT! þeir geta bara hringt á lögguna. Það skiptir engu máli hvar fólk nálgast vímuefni ólöglega . Sala og dreifing vímuefna er ólögleg, að undanskildum þeim einstaklingum sem starfa við lyfjaiðnaðinn. En þeirra sala skal líka uppfylla ákveðin skilyrði, til að vera lögleg. Til dæmis að dreifa sterkum og hættulegum lyfjum EFTIR ÞÖRFUM SJÚKLINGSINS, ekki fíkilsins. Það eru undarlegar forvarnir ef ákæruvaldið kýs að gera ekkert í þessum málum.

Við erum að tala um gríðarstóran hluta af þeim efnum sem neytt er á hverjum degi hér á landi , þetta er ekkert bara tafla og tafla, þetta eru þúsundir, ef ekki tugþúsundir skammta af ávana og fíkniefnum sem komast á götuna í gegnum læknana.

Ég geri mér grein fyrir því, að handhafar lyfseðla og lyfja korta bera líka ábyrgð, en á þeim hvílir ekki eiður Hippokratesar.

 HVAÐ FINNST YKKUR, Á AÐ NEGLA ÞESSA LÆKNA FYRIR FÍKNIEFNASÖLU OG / EÐA DREIFINGU?

Hamfarir í Kína...eða kannski ekki svo miklar hamfarir.

 Náttúruhamfarir eru ekkert nýtt. Mannfall og eignatap, sjúkdómar og harmur, eru fylgifiskar náttúruhamfara.

 Umfang hamfaranna má skoða á ýmsan hátt, eftir aðstæðum, það veltur á áherslum. Undanfarið hefur mikið verið talað um skelfilegar hamfarir í Kína. Fólk signir sig og grætur úr sér augun yfir örlögum þessa fólks, og vill endilega hjálpa til. Fallegt, óeigingjarnt, og um margt aðdáunarvert.

 Við erum svosem ekkert óvön náttúruhamförum hér á landi, og því er kannski ekki erfitt fyrir okkur að setja okkur í þessi spor.

En ég set spurningarmerki við umfang þessara hamfara. (Nei, ég er ekki að gera lítið úr missi og örlögum þeirra sem þarna búa). Heldur er ég ekki alveg að sjá að þetta séu einhverjar stórkostlegar hamfarir fyrir Kínversku þjóðina.

 Við verðum að skoða þetta í ljósi sem sýnir stóru myndina, og gæta þess að fara ekki framúr okkur.

 34.000 manns eru látnir. það er gríðarlegur hópur fólks. Miðað við Ísland. Hér væru 34.000 manns rúmlega 10 % þjóðarinnar.

 En, ef við berum þetta saman við íbúafjölda þá samsvarar þetta því að 8.18 manns létust hér. Það eru færri en látast í bílslysum á ári hér á landi.

Færri en létust t.d. í Súðavík, hér um árið.

Það má líka nefna Flateyri, Patreksfjörð og svona mætti telja áfram.

 Þetta eru 0.002815% af kínversku þjóðinni. EKKI EINU SINNI 1 promill...............

 Ég held að Kína sé ekki að upplifa STÓRKOSTLEGAR HAMFARIR, viðkomandi svæði er að því, en ekki Kína.

 Nú vil ég ítreka að hugur minn er með þessu fólki, en ég get ekki séð að þetta sé svo mikið "áfall" fyrir Kína sem slíkt. Það er búið að blása þetta upp, langt útfyrir það sem efni standa til. Kína þarf ekkert á hjálp okkar að halda. Alls ekki neitt

Og þeir sem þurfa á því að halda að friða samvisku sína, eða upplifa svona "Móður Teresu tilfinningu" ættu að beita kröftum sínum þar sem þeirra er þörf. Til dæmis í umferðarmálum á Íslandi.

Í málefnum geðsjúkra, í sambandi við aðbúnað aldraðra, í málum barna með sérþarfir, í málefnum öryrkja og langveikra, og svo víðar annarstaðar en í Kína sem ÞARF EKKI 'A OKKUR AÐ HALDA.

 FRIÐUR ( í réttum hlutföllum )

Þau eru mismunandi, mannanna meinin....

Nýlega sendu Sameinuðu þjóðirnar eftirfarandi beiðni til þjóða heims:

'Viljið þið vinsamlegast gefa okkur heiðarlega skoðun ykkar á því hvaða
lausn kæmi helst til greina til að koma í veg fyrir matarskort um allan heim.'

Svörin komu mjög á óvart:

Afríkubúar vissu ekki hvað orðið 'matur' þýddi.

Austur-Evrópumenn skildu ekki orðið 'heiðarlega'

Vesturlandabúar skildu ekki orðið 'skortur'

Í Kína vandræðuðust menn með orðið 'skoðun'

Í Miðausturlöndum ríkti óvissa með orðið 'lausn'

Í Suður-Afríku klóruðu menn sér í kollinum yfir orðinu 'vinsamlegast'

Í Bandaríkjunum vissi enginn hvað 'um allan heim' þýddi.

Gaman að vita hvaða orð væri óþekkt hér! Hvað finnst ykkur?

Landspítalinn er bara fínn, af LÁGTÆKNISJÚKRAHÚSI að vera.

Sælinú. Var að koma heim af sjúkró, þar sem iðrin mín voru eitthvað eitruð. Búinn að vera svo fokking veikur. Ég vil bara hrósa starfsfólkinu sem starfar við þessar LÁGTÆKNI aðstæður, því tekst algjörlega að blekkja mann til að trúa því að Landspítalinn sé barasta HÁTÆKNI sjúkrahús eftir alltsaman. Allavega fékk ég hátæknibata. Takk fyrir mig, og þið sem óskuðuð mér bata, takk það hafðist.

Guð hatar mig.

 Átti afmæli í gær og fékk ælupest í afmælisgjöf frá almættinu. Er ennþá eins og heróínneytandi á cold turkey. Skelf eins og lauf og svitna heilu lítrunum. Úff, ekkert eftir í bumbunni en bumban er samt að reyna að tæma sig. Hjálp! Kann ekki einhver gott ráð við ógleði? FRIÐUR (í vömbinni)

Ég er að verða gamall.

 Afmælið mitt er í dag..........orðinn eldri.......verð vonandi eldri............eða hvað, vil ég kannski ekkert verða eldri............leiðinlegt orð; eldri. FRIÐUR

HVAR EIGA VONDIR AÐ VERA?

Úrræðleysi í málefnum geðsjúkra glæpamanna og geðsjúkra er skelfileg staðreynd í okkar litla samfélagi. Fársjúkt fólk ráfar um götur borgarinnar og enginn virðist hafa neina lausn. Sama má segja um geðsjúka afbrotamenn, engin úrræði. Mig langar að rekja eitt dæmi hér en án allra persónulegra uppl.  Í fjölbýli hér í borg býr kona með syni sínum. Hann er mikið veikur og dómgreindarlítill. Hann ólst upp við ofbeldi og neyslu, reyndi sjálfsmorð á barnaldri, og skaðaðist á heila við það. Síðan hefur hann verið ofbeldishneigður og óútreiknanlegur í hegðun. Að auki er hann í harðri neyslu og tapar sér gjörsamlega við neysluna. Hvað eftir annað hefur lögregla þurft að skakka leikinn en má ekki loka hann inni. Hvað eftir annað hefur hann verið fluttur á geðdeild af lögreglu en er alltaf kominn út næsta dag.Drengurinn, sem er um tvítugt í dag, er sjálfum sér og öðrum stórhættulegur. Hann gengur berseksgang í stigaganginum og gengur í skrokk á móður sinni sem hefur, þótt undarlegt sé ekki viljað svipta hann sjálfræði. Á meðan er heil blokk í gíslingu, og  samfélagið virðist ráðþrota. Á endanum gerist eitthvað sem enginn vill taka ábyrgð á. Mig langar að vita hversvegna ekkert er gert fyrir þetta fólk. Er okkur alveg sama? Eða nennum við því ekki? Ég veit ekki en ég veit að við svona aðstæður blómstra fordómar og velmeinandi fólk fer að neyðast til að taka á málunum sjálft. Og illa meinandi líka. Ég kalla eftir auknu samstarfi lögreglu, lækna og viðeigandi ráðuneyta. Einhversstaðar er einhver án nokkurra tengsla við raunveruleikann og stendur í vegi fyri framförum í þessum málum. FRIÐUR.