Ónei er skríllinn enn að rífa kjaft, getur þetta fólk ekki bara etið kökurnar sínar ?

Makalaust að fylgjast með hvítliðunum sem ryðjast fram á ritvöllinn (nafnlaust oftast nær), og kalla okkur skríl, hryðjuverkamenn, pakk, ruslaralýð og ég veit ekki hvað og hvað. Ábyrgðarlausir æsingamenn, sem vilja ekkert frekar en sundrungu almennings og sá þessvegna eitri sínum nafnlaust.

Svona fólk er ekkert betra en ofbeldisseggirnir, hvítliðarnir vinna aðeins að einu marki, skapa óróa, ósætti og átök, þeir eru hins vegar svo huglausir að þeir þora yfirleitt ekki að koma fram undir nafni, og síst að mæta sjálfir og gera eitthvað í málunum. Ég minnist þess ekki að hafa orðið var við einn einasta hvítliða í skjaldborginni um lögregluna við Stjórnarráðið, ekki einn var með þann 20. þegar ég og fleiri stóðum allt kvöldið við hlið lögreglu og beindum óeirðaseggjum annað, onei, það vorum við skríllinn og hryðjuverkamennirnir sem lögðum okkur í hættu fyrir lögregluna...Hvar voruð þið ?

Heima vælandi ofan í bjórinn geri ég ráð fyrir.

Mikill fjöldi á Austurvelli

Alveg dæmigert fyrir USA, það er allt byggt á lygum og blekkingum þar..

...hahahahaha...strengjabrúða nr 44 er eins og allar hinar strengjabrúðurnar, bara öðruvísi á litinn...

...þetta er næstum jafnfyrirsjánlega spillt og rotið og á Íslandi...hér er einmitt allt svona núna, byggt á blekkingum, sjónhverfingum og lygum.

Tónlistin var leikin af bandi

Ég óska Geir góðs bata, og fagna afsögn ríkisstjórnarinnar,en....

...vil ítreka það sem ég hef áður sagt, að ef við kjósum í vor um sömu flokkavitleysuna og áður, þá erum við að brosa og biðja um meira af spillingu, meira af ósvífinni flokkahagsmunagæslu og meira af einkavinafélögum....þetta eru ekki þær breytingar sem ég vil sjá!

Burt með þingræðið! Það er óþolandi að meirihluti á þingi þýði sjálfkrafa meirihluti í ríkisstjórn. Þannig sitja menn beggja vegna borðs löggjafa og framkvæmdavalds, sem er lykillinn að þeirri óstjórn sem nú ríkir. Flokkshagsmunir ná inn í ríkisstjórn, og gráðugir stjórnmálamenn, með annan fótinn í viðskiptum, setja lög um viðkipti, sjá um að þeim sé framfylgt og skipa dómarana sem fólk á að geta leitað til gegn ríkisvaldinu.

Inn í þetta gegnrotna kerfi sogast svo besta fólk, hugsjónafólk með eldmóð og kjark, en það hverfur, gufar upp sem dögg fyrir sólu...kafnar í grjótmulningsvél floksshagsmunanna.

Látum ekki hugsa fyrir okkur lengur, gerum það sjálf, við getum það alveg ef við viljum. Tækifærin hér eru óendanleg, auðlindir okkar eru miklar, fólkið duglegt, og við þurfum bara að ákveða að gera þetta saman og sjálf, við getum svo sannarleg náð fyrri hæðum aftur, en við getum það ekki með innistæðu nema við gerum það sjálf. Við erum nú þess vísari, að hjarðeðli flokkakerfisins virkar ekki fyrir okkur, okkur hugnast ekki sjálfgræðisstefnan, og við viljum upplýsingar um hvað er að gerast á hverjum tíma. Við erum þess vísari að við viljum að lífeyrir okkar og sparnaður sé tryggur, og það sé ekki hægt að spila Black Jack með hann.....nú er það okkar að sjá til þess að svo verði sem við viljum.

 

Geir: Kosið í maí

Börnin manns geta gert mann svo stoltan.......

Kæra lögregla.

"Ég sendi þetta bréf vegna mótmælana á Austurvelli og hvernig þið farið með almenna borgara. Það er í lagi að stoppa fólk og kannski beita piparúða en bara í litlu magni, en að berja bara eitthvert í einhverja í hausin og andlitið bæði unga sem aldna það er mjög hræðilegt. Hvernig finndist ykkur ef að einhverjir berja ykkur í hausinn fyrir að lemja potta og pönnur er hneyksli. Ég veit að fólk fór að brenna og kveikja eld en þá er bara að beina fólki frá. Þetta gætu verið ömmur ykkar og afar sem að þið eruð að berja eða mömmur ykkar og pabbar það skiptir ekki máli því að öll erum við skyld. Ég er bara að benda ykkur á það að HUGSA ÁÐUR EN ÞIÐ GERIÐ NOKKUÐ!!! Almennir borgarar þjást vegna kreppunar eins og þið en að gera svona lagað setur landið efst á svarta lista ofbeldis í heiminum. Ef að þessu linnir ekki fer ég á Austurvöll næsta laugardag og held ræðu og ef þið beitið mig sama ofbeldi og aðra almenna borgara þá kæri ég ykkur með köldu blóði! Þið haldið kannski að ég sé fullorðin en ég er aðeins ellefu ára og ég er alls ekki hrædd við ykkur og ég mun hvetja mótmælin og halda ræðu á laugardaginn ef þið takið ekki ykkur tak. Ég vil bara að þið setjist niður allir lögregluþjónarnir kannski á kaffistofunni og ræðið saman um það sem þið hafið gert og reynið að bæta það.
Lifi byltingin.
Þórkatla Haraldsdóttir 11 ára."

Þetta er bréf sem dóttir mín samdi og sendi í tölvupósti til Stefáns Eiríkssonar lögreglustjóra, ég vil taka það fram að hún tók þetta upp hjá sjálfri sér og skrifaði bréfið og valdi viðtakandann sjálf.

Það er kannski von um réttlæti eftir alltsaman...

Góður dagur í dag......

....allir dagar án ofbeldis eru góðir dagar. Það er vonandi að ofbeldisseggir þeir sem svo sannarlega hafa verið að láta ljós sitt skína, beggja vegna línunnar, séu nú búnir að átta sig annaðhvort á því að ofbeldi kallar aðeins á meira ofbeldi, eða því að fólk vill almennt ekki ofbeldi og er að snúast gegn þeim sem eru að mótmæla. Atburðir gærdagsins sýndu það svo ekki var um villst, að það er algerlaga tilgangslaust, í þessari báráttu fólksins við gerónýt stjórnvöld, að fólkið sé að berja hvert á öðru.

Samstaða um að halda baráttunni áfram án ofbeldis, og að lögreglan og mótmælendur sýni hvor öðrum virðingu, er það skynsamlegasta sem hægt er að gera í þessari stöðu. Margir lögregluþjónar eru eflaust á máli fólksins og vill ríkisstjórnina burt. Við stöndum vaktina fyrir þá, og þeir fyrir okkur.

Friður er samvinnuverkefni.

Mótmælt í góðri sátt

Gott væri að sjá þig lofa því sama á hendur þeim lögreglumönnum sem fóru offari, og brutu í fólki tennur og bein, réðust með ofbeldi á fréttafólk, og handtók börn undir lögaldri...

...það eru nefnilega enginn munur ofbeldisseggjum hvort sem þeir berja fólk með kylfum eða kasta í það grjóti....eini munurinn er sá að annar seggurinn getur falið sig á bakvið nafnleysi sem er honum tryggt með lögum, og á bakvið óútfyllta ofbeldisávísun sem er kölluð " brot gegn valdstjórninni"...

...það er nauðsynlegt að báðir aðilar séu samstíga í því að uppræta ofbeldið, það þarf að sjást úr þinni átt líka Stefán, þínir ofbeldisseggir eru nefnilega á launum hjá þeim sem er verið að lemja......

Það er ákaflega sorglegt að fólk skuli láta stjórnvöld plata sig útí svona rugl, ofbeldi er einmitt það sem er verið að reyna að starta, það er einmitt verið að reyna að sundra okkur, eyðileggja samstöðuna.

Og með tilkomu grjótkastara úr röðum mótmælenda, gæti það tekist.

Sameinumst um að uppræta ofbeldið!!

Munu hafa uppi á ofbeldismönnum

Til hamingju Hæstiréttur með þetta skref í átt til réttlætisins.

Þyngsti dómur sem kveðinn hefur verið upp í barnaníðingsmáli, hefur verið staðfestur í hæstarétti, það eru góðar fréttir.

Til að löggjafinn rýmki refsirammann í svona málum, þarf einmitt þetta til, þeas hugrakka dómara.

Þetta voru góðar fréttir í hafsjó slæmra frétta síðustu daga...

Sex ára dómur staðfestur

Lögreglumaður alvarlega slasaður, fullt af fólki með sviða í augum, hvar á þetta að enda....

...annarsstaðar en í botnlausri vitleysu ? Hvað halda menn að græðist á því að veitast að lögreglunni ?

Eru þessir einstaklingar sem eru að reyna að starta stríði við lögregluna, að hugsa málið til enda ?

Það þykir mér sorgleg niðurstaða á góðum ofbeldislausum degi, að hleypa öllu í bál og brand. Og við það hjálpuðust nokkrir ofbeldisseggir úr röðum mótmælenda og ofbeldisseggir úr röðum lögreglunnar, alltaf skulu þessir fáu eyðileggja allt fyrir fjöldanum. Fram eftir degi og til kvölds gekk allt bærilega, jafnvel eftir að tilkynnt var um orð Geirs, að ekki yrði kosið í vor. Enginn byrjaði að kveikja í bílum, enginn gekk berserksgang á Laugaveginum, enginn reyndi að brjóta lögregluna á bak aftur.

Í dag var jarðarför í Dómkirkjunni, og mótmælin voru þögul á meðan, þetta er sú tegund samstöðu sem virkar...

...í kvöld við Þjóðleikhúsið, var lögreglan á staðnum, en hélt sig til hlés, og fékk frið fyrir vikið...og enginn reyndi að skemma Þjóðleikhúsið, enginn notaði tækifærið...þetta er sú tegund löggæslu sem virkar...passív nærvera...aggressif nærvera skapar óróa og ..ofbeldi.

Þetta er dapurlegur endir á góðum degi.

En þessi dagur ætti að vera sem flestum umræðuefni, og umhugsunarefni. Hverskonar samfélag ætlum við að byggja ? Ætlum við að byggja á ótta og ofbeldi eða ætlum við að byggja á samstöðunni.

Ég vil biðja lögreglumenn að halda ekki að allir séu tilbúnir að grýta þá, flest okkar vitum sem er að þið eruð að vinna vinnuna ykkar, og gerið eins og ykkur er sagt, þið eruð líka almenningur og það er verið að misnota ykkur.

Sorglegast af öllu er þó að huglaus stjórnvöld okkar, stilla lögreglunni upp sem andliti spillingarinnar, misnota lögregluna í þágu eigin hroka og hugleysis, og ofbeldisfulla einstaklinga sem leitast við að slasa lögregluþjóna.

 

Svona á að gera þetta, beinum spjótunum að þeim sem bera ábyrgð....

....og verum ekkert að spara það, förum heim til Geirs og látum hann finna að hann er ekki með umboð okkar lengur...

Mótmælendur umkringdu Geir

Sorglegt að fylgjast með á Austurvelli í dag.....

....og sjá að stjórnvöld eru fullkomnlega sátt við að lögreglan taki skellinn fyrir alltsaman.

Lögreglunni er stillt upp á sorglegan hátt sem varðhundum spillingarinnar, sem andlitum spillingarinnar. Smám saman er verið að níðast á öllu og öllum, og ekki síst á lögreglunni sjálfri.

Það var sorglegt að sjá til stríðsklæddra og vopnaðra óeirðalögregluþjóna, ráðast með kylfuhöggum og spörkum að fólki sem ekkert var að gera af sér, handtaka ólögráða einstaklinga með höggum og spörkum, og neita svo forráðamönnum að tala við börnin. Það var sorglegt að sjá vopnaða lögreglumenn beita vopnum sínum á óvopnað fólk.

Persónulega réðst á mig lögreglumaður í tvígang, og braut í mér tönn og braut gleraugun mín.

Hann gerði það meðan ég stóð með hendur í vösum......en ég birti bráðlega mynd af kauða og minn höggþungi verður ekki sparaður hér í netheimi...

Að minnsta kosti 6 sinnum sá ég kylfunum lostið og það ekki með sýnilegt tilefni, og það var ekki verið að spara höggþungann. Það var sorglegt að sjá...

Það var líka sorglegt að sjá fólk taka út reiði sína á almennri lögreglu sem stóð sig með prýði, sorglegt að sjá fólk eyðileggja trén á Austurvelli og sorglegt að sjá að lögreglan á að vera stuðpúði fyrir stjórnvöld. Sorglegt að sjá svona illa farið með óbreytta lögregluþjóna...

Vilji fólk byggja upp, þá eru skemmdarverk á sameiginlegum eigum okkar ekki rétta leiðin. Færum reiðina þangað sem hún á erindi.

Bræður, systur við erum ein þjóð og eitt land, snúum bökum saman, ekki ráðast gegn hvort öðru.

Bræður og systur í lögreglunni, takið ykkur stöðu með bræðrum ykkar og systrum, sonum og dætrum foreldrum ykkar og afa og ömmu....hvernig ætlið þið annars að réttlæta þátttöku ykkar gagnvart afkomendum og nákomnum, hvernig er hægt að láta ræningjann sem rændi aleigunni af ömmu lögreglumanns, skipa lögreglumanninum að berja á þeim sem hneykslast á ráninu??

Hvar er réttarríkið okkar statt....?

Þetta er sorglegt.

Beittu kylfum á mótmælendur