Lítill fengur........í því að kjósa um sömu öflin áfram...

....það er alveg ljóst í mínum huga að hugtökin vinstri og hægri-pólitík, eru úrelt og gagnslaus.

Beggja vegna snýst allt um skítkast og yfirgang, um flokkshagsmuni og pot.......

...stjórnvöld eru nú að reyna að halda því fram að með kosningum í vor sé verið að koma til móts við kröfur fólks um breytingar.....hahahahahahahahahahaha......mikið óskaplega halda þau að við séum heimsk. Það þarf að stokka þetta upp á raunhæfan hátt, losna útúr flokkaruglinu, losna við einkavinafélögin.

Allar yfirlýsingar stjórnvalda um að það sé verið að koma til móts við okkur, eru merkingarlaust hjal.

Steinn Steinarr orðaði þetta svona í kvæðinu Lítill fengur.

ÞAÐ BJARGAST EKKI NEITT, ÞAÐ FERST, ÞAÐ FERST.

ÞAÐ FELLUR UM SJÁLFT SIG OG ER EI LENGUR.

SVO MARKLAUST ER LÍF ÞITT OG LÍTILL FENGUR,

OG LOKS ER EINS OG EKKERT HAFI GERST.

 

AF GLERI STROKIÐ GAMALT RYK OG HJÓM

ER GLEÐI ÞÍN OG HRYGGÐ Í RÚMI OG TÍMA.

ÞAÐ ANDLIT SEM ÞÚ BERÐ, ER GAGNSÆ GRÍMA,

OG GEGNUM HANA SÉR Í AUÐN OG TÓM.

 

Ofbeldi kallar aðeins á meira ofbeldi......

Stjórnvöld sem þurfa að beita fyrir sig vopnaðri lögreglu, eru ekki stjórnvöld fólksins.

Nú þarf lögreglan í Reykjavík að ákveða hvort hún ætlar í stríð við samborgara sína eða ekki, það styttist í að fólkið líti á lögregluna sem varðhunda spillingarinnar, og hvað gerist þá ? Ætla lögreglumenn að leyfa stjórnvöldum að gera lögregluna að andliti spillingarinnar, ætlar lögreglan að kyngja því þegjandi að vera beitt sem hverjum öðrum gjammandi varðhundum?

Persónulega lít ég svo á að þeir séu borgarar rétt eins og ég, með skuldir og skyldur og þeir þurfa líka að kaupa í matinn. Hinsvegar fer að koma tími á að menn innan lögreglunnar sýni samstöðu með samborgurum sínum og láti misvitra pólitíska hagsmunapotara ekki misnota sig sem vopnaðar prívat varðsveitir. Ég lýsi hér með eftir aðgerðasinnum innan lögreglunnar, fólk sem neitar að ráðast á samborgarana, neitar að beita vopnum á vopnlaust fólk, neiti að vera HUNDAR!

Piparúða beitt við þinghúsið

Hvaða hvaða, enn verð ég að hrósa BB, þetta er að verða vandræðalegt.......

.....ég finn til í öllum líkamanum við að gera þetta....en lagó...GOTT HJÁ ÞÉR BB, þarna gerðir þú rétt.

Ólafur Helgi er greinilega haldinn athyglissýki á lokastigi, það er auðvitað ekkert eðlilegra en að framkvæmdavaldið gangi fram með fullri hörku við að innheimta bankaskuldir, ekki síst meðan framkvæmdavaldið er nú ekki alveg saklaust af hruni bankanna.

En að sýslumaður gangi fram eins og skattheimtumaðurinn í Skírisskógi, og geri þar með sinn yfirboðara tortyggilegan og grafi enn frekar undan trausti fólks á stjórnvöldunum hér er eitthvað sem ráðherra má ekki láta viðgangast og því brást hann rétt við.

Endurskoðar fjárnámsaðgerðir

Ég gef honum eitt ár í mesta lagi.....

....áður en reynt verður að drepa hann.

Gríðarleg öryggisgæsla

Það hefur enginn efni á þessari deilu....

....allir hlutaðeigandi hafa of mikilla hagsmuna að gæta.

Gasdeilan leyst

ÆÆ, ætlaði sendiboðinn að færa okkur sannleikann?

Gott mál að  ekkert varð af þessari heimsókn. Við eigum ekki að hafa nein samskipti við þjóðir/samtök, sem gera börn að skotmörkum sínum, grimmdarlegur hernaður á hendur óbreyttum borgurum er óafsakanleg hegðun, hver sem er að verki. Svo virðist sem blóðhefndin og blóðsamviskan ráði för hér á Íslandi, svo mjög reyna menn að réttlæta gjörðir annars aðilans, Hamas eða Ísrael.

Upphafning ofbeldisins í formi blóðhefndar, eða áunnum rétti til ofbeldisverka, er sóðalegur áróður sem við eigum ekki að samþykkja, börnunum er alveg sama hver sprengir þau í tætlur.....

...tökum afstöðu gegn ofbeldinu, ekki með öðrum hvorum morðingjanum.....

Ísraelskur ráðherra afboðar komu sína

Nýji formaðurinn heillaði þingheim, segir Siv...

...og hvað með það? Er einhver ástæða þessa dagana til að heillast sérstaklega af þingheimi ?

Ég held nú síður. Flokkakerfið er úrelt og margþvæld tuska, sem á heima í ruslinu, og því ekkert annað en vonbrigði að sjá Siv mæra flokkinn sinn, og segja að með þessum gjörningi sé verið að koma til móts við kröfur fólks um breytingar. Flokkakerfið á stóra sök á því hvernig komið er. Spillingin annarsvegar, og sú sefjun sem hefur átt sér stað í samfélaginu hinsvegar, eru aðalástæðurnar fyrir því.

Það var búið að sannfæra íslendinga um að best væri að láta aðra hugsa fyrir sig, þetta er hinsvegar að breytast nú, í ljósi síðustu mánaða. Fólk er óðast að átta sig á því, að skálkaskjólið flokkakerfi er ekki nothæft. Þingræðið er orðið okkur fjötur um fót vegna flokkshagsmunapots í ríkisstjórn og stjórnsýslu.

Það er rétt hjá Siv að breytinga er þörf, en ekki kæri ég mig um gamalt vín í skítugum belgjum......

Flokknum bjargað, segir Siv

Það vantar ekki hrokann í börn Davíðs...........

Gott hjá utanríkisráðuneytinu, við höfum ekkert að gera með þessa heimsókn og við ættum að slíta öllum samakiptum við Ísrael.

Það er enda ótækt að þeir líti svo á að þeir séu barasta velkomnir án nokkurs formála, Ísraelsk stjórnvöld eru ekki velkomin hér, í mínum bókum....nú vill örugglega einhver kalla mig gyðingahatara, þið getið sparað ykkur þau stóru orð á aðra en mig...

Heimsókn Ísraela til Íslands afþökkuð

Jóka, þú varst að djóka....er það ekki...?

Hvernig má það vera að félagsmálaráðherra sér ekki fram úr kvenrembunni ? Hvað meinar hún með aukinni áherslu á kynjakvóta....jákvæð mismunun....hverjum dettur svona rugl í hug, val á fólki til starfa skal snúast um hæfi, reynslu, menntun...ekki kyn, eða litarhátt eða skóstærð.

Að halda því fram að annað kynið sé betra eða verra en hitt er auðvitað ábyrgðarleysi og grunnhyggni af verstu sort, sorglegt innlit í hugarheim ráðherrans, sem er greinilega fastreimuð í rauða sokka biturðarinnar....JAFNRÉTTISBARÁTTAN Á EKKI AÐ SNÚAST UM KVENRÉTTINDABARÁTTUNA, þetta er ekki sami hluturinn.....jafnrétti snýst um svo ótal margt annað en kynin.....

Segja félagsmálaráðherra ekki skilja hugtakið jafnrétti

Þeim er ekkert heilagt, guðs útvöldu þjóð...nú skjóta þeir á UN og Rauða Krossinn...

Með því að skjóta á sameinuðu þjóðirnar skjóta þeir á okkur.....

Með stuðningi sínum er USA að beina spjótum sínum að UN og þar með okkur....

Slítum öllum samskiptum við alla hlutaðeigandi í þessu einkar sóðalega stríði, þar sem óbreyttir borgarar eru skotmörk beggja, bæði Hamas og Ísrael...

...sérstaklega þar sem Ísrael er búið að bæta UN og Rauða Krossinum á lista yfir skotmörk, þar með lít ég svo á að Ísrael sé að lýsa yfir stríði á hendur mér og öllum öðrum borgurum í aðildarríkjum UN, Hamas er búið að lýsa yfir stríði á hendur sinni eigin þjóð og er með útrýmingu annarar þjóðar á dagskránni, hvorugur aðilinn á skilið nokkra samúð, engan stuðning af nokkru tagi, báðar stjórnir ættu að verða fyrir öllum þeim þrýstingi sem hægt er að beita án vopna.

Afskiptaleysi okkar stjórnvalda er til skammar, engin trúverðug yfirlýsing hefur komið fram, engar aðgerðir af nokkru tagi, ekkert bólar á því að nota viðskiptaþvinganir, sem þó væru öflug skilaboð til Ísrael, sem eru algjörlega háðir útflutningi sínum.

Olmert segir að skotið hafi verið frá byggingu SÞ