Ég gekk eitt sinn til Englands...........

.....eða sko næstum því...ég gekk úr flugstöðinni út í flugvél..og svo niður landganginn á Stanstead....svo gekk ég heim til Íslands aftur.

Synti aðeins 400 km

Og er........

 

 

 

 

 

 

 

 

......einhver hissa?

Lýsir miklum vonbrigðum

ÉG LÍKA.....OG HVAÐ MEÐ ÞAÐ?

Þetta er nú aldeilis fréttaefni.....

.....ég verð að fara að fá mér í'ana, ég verð að fara að fá mér í'ana,

ég fíla mig bar'ekki rassgat...að ver'eins og hverönnur Díana,

og það er ekki eini sinni reimt...í kjallarakompunni...

MÞJ.

Með gríðarlega kynorku

Hvað veldur?

Hvað veldur því að fólk vill ekki viðurkenna að það umhverfi sem það hefur valið sér, er rangt ?

Hvað er það sem heldur fólki föstu í rútínu sem það þekkir og kann, og sættir sig við stöðnunina?

Er það vaninn? Eða óttinn við hið óþekkta? Er það metnaðarleysi, eða skammsýni.....

...fólk heldur dauðahaldi í hugmyndir sem ekki standast tímans tönn og leitast í örvæntingu við að finna einhvern flöt á því að láta þær virka. Fólk jafnvel þráast við þrátt fyrir auglósan ávinning af hinu gagnstæða, þrátt fyrir að þrái þeirra hafi slæm áhrif á umhverfið, og annað fólk. Það gengur svo langt að fólk yfirgefur ekki það umhverfi sem hentar þeim alls ekki.

Þetta á við um óskabarn þjóðarinnar, Davíð Oddsson, sem situr sem fastast þrátt fyrir augljósan vilja þjóðarinnar, álit þeirra sem starfa í kringum hann og álit sérfræðinga erlendis, sem allir segja það sama; Davíð þarf að fara. Þetta á einnig við um stjórnmálamennina, sem þráast við að viðurkenna að flokkakerfið er orðið úrelt. Við höfum ekki þörf fyrir það lengur og það er tilberi á lýðræðinu okkar, mergsýgur það og skilur okkur eftir með flokksræði. Þannig er það einnig með atvinnupólitíkusa sem ekki þekkja þjóð sína í sjón, þótt þeir séu í sama herbergi, afneita því að hafa umboð til valds, segjast hafa valdið, þeir hafi unnið til þess.

 Þetta á einnig við um þá sem styðja þetta úrelta kerfi vegna hagsmuna sinna, eða af einhverri af fyrrgreindum ástæðum, og ráðast heiftarlega á alla þá sem halda öðru fram, kalla það jafnvel ógn við lýðræðið ef fleiri en þeir fá að hafa áhrif! Þeir sjá ekki að þetta kerfi étur okkur upp, það hefur nú þegar kostað okkur uþb allt, en samt er þráast við að verja örlagavaldana.

Og þetta á einnig við um þá sem halda að nú sé byltingunni lokið og allt verði gott, svo nú geti þau farið aftur að sofa.......

.....hvað veldur?

Sameinaðir stöndum vér! Sundraðir föllum vér!

Nú eru merkilegir tímar, ríkisstjórn var hrakin frá völdum, lögregla og almenningur slasa hvor annan, gas og logandi bál. Fjárhagur þjóðarinnar er  rjúkandi rúst, traust fólks á samfélaginu er uppurið, og það ætlar jafnvel að ganga svo langt að fólk fari bara aftur að sofa.

Þó er huggun harmi gegn, að upp hafa sprottið grasrótarsamtök út um allt, með það að markmiði að endurskipuleggja kerfið. Þau eru með mismunandi áherslur, en öll ganga útfrá því að henda flokkakerfinu. Ég hef orðið var við mikinn áhuga fólks á því að fara aðra leið en þá sem við höfum farið, mínum mótmælum og margra annara var beint gegn ríkjandi kerfi sem hefur brugðist algjörlega, og er löngu úrelt. Það er þess vegna afar mikilvægt að grasrótin sameinist, og vinni saman að breiðfylkingu fólks sem vill gera lýðræðinu hærra undir höfði en flokksræðinu. Ef grasrótin sameinast ekki er ekki víst að hún standist flokkahirðinni snúning, og það væri hrikalegt.

Við stöndum frammi fyrir tækifæri til að þroska lýðveldið okkar unga, laga það að vilja þjóðar, fremur en flokka og einkavinafélaga, og tryggja að aldrei aftur verði framtíð æskunnar stolið og hún seld úr landi. Ég er persónulega bjartsýnn á að ef við sameinumst um verkefnið, þá stöndum við uppi með nýtt og betra Ísland. Eins er ég viss um að ef við sameinumst ekki, þá gengur það ekki upp. Allir tilburðir fólks til flokkadrátta og sérhagsmunahópamyndunar, eru leifar af gömlum hugdanagangi í pólitík, það mætti jafnvel alveg hætta að nota það hugtak, pólitík, þetta er orðið sóðalegt orð.

Ég vil hvetja alla til að kynna sér það starf sem nú fer fram í grasrótinni, og finna sér ástæðu til að leggja sínar skoðanir og væntingar til málanna, við þurfum að byggja nýtt Ísland, og við þurfum að byrja á teikniborðinu.

Við eru ÞJÓÐIN,verum EIN þjóð!!

Á bankabókum í bankaleyndarlöndum liggur uþb helmingur þeirra fjármuna sem við þurfum á að halda..

...og var stungið undan af löndum okkar sem víluðu ekki fyrir sér að spila þar með rúllettu með framtíð barnanna minna. Mér þætti gaman að vit hvort ríkisstjórn Panama hefði áhuga á að aflétta bankaleyndinni af ákveðnum reikningi, ef við í staðinn byðum t.d. hönnun á nýju og arðbærara orkuneti, þeas rafmagn, hjálp við fiskveiðar, inn- og útflutnings samninga....

Ég sé ekkert því til fyrirstöðu að reyna öll ráð til að ná því fé og þeim eignum, sem var mjólkað útúr samfélaginu, ef breyta þarf lögum hér til þess þá gerum við það! Hvað er málið...upptaka fjármuna og eigna er leyfð hér við vissar aðstæður....en ekki þessar?

280 milljarðar úr Kaupþingi (lágmark), 100 milljarðar úr Landsbankanum...þetta er bara það sem komið hefur fram....

Hvað er svo nýtt? Er eitthvað að frétta ?

Sama gamla súpan í sömu gömlu skálinni, úr sama gamla pottinum.....aðeins öðruvísi á litinn....

...má ég biðja um matseðilinn takk. Hvorki þjónninn né kokkurinn ráða því hvað ég borða, þetta er minn magi, og mínir peningar, minn tími og mín ákvörðun.

Burt með flokkakerfið, burt með þingræðið!!

Býst við stjórn á laugardag

Jæja, svo allt var til einskis...heldur einhver að þetta breyti einhverju?

Fyrir mér er þetta fullkominn ósigur...sorgardagur, mótmælin komu engu til skila, öðru en að flengja sjáfstæðisflokkinn.

Sama flokkakerfið, sama fólkið, sama ósvífnin og sama sinnuleysi almennings kemur þá væntanlega í ljós á kjördag, þar sem fólk fær náðarsamlegast að kjósa sama hyskið aftur.....sorglegt.

Falið að mynda stjórn

Samstarfinu slitið....en hvað með flokkakerfið, heldur einhver að það breyti einhverju...

...að halda áfram í sama ruglinu?

Við þurfum nýtt kerfi, nýja nálgun. Ekki sömu súpuna úr sama pottinum, bragðið leynir sér ekki þótt einhver hafi skipt um lit á henni....

Stjórnarsamstarfi lokið

Jæja, þetta eru góðar fréttir. En finnst engum fyndið.....

....að drengurinn segir að enginn hafi þrýst á sig að segja af sér....!!!!!

Ég hlýt að vera búinn að vera á  meiriháttar ofskynjunartrippi, því að ég er sko búinn að sjá mörg þúsund manns krefjast afsagnar hans, mér finnst meira að segja að fólk sé búið að vera upptekið af því að þrýsta á hann, alveg frá bankahruninu....nema að það sé líka ofskynjun og það sé bara allt í lagi og, þetta sé bara í höfðinu á mér.

Mikið vona ég að ég sé bara á LSD, það líður hjá.....

Björgvin segir af sér