Í nafni guðs, hins alvitra og miskunnsama, í nafni spámannsins og eilífðarinnar.....

...sprengi ég þig í tætlur og börnin þín með......

Og djöfullinn sat á steini og hló!

Sprengdu hús fullt af fólki

KILL'EM ALL! LET GOD SORT'EM OUT!

Auðvitað skiptir engu máli frekar en fyrri daginn, að þessar aðgerðir bitna helst á óbreyttum borgurum.

Andspyrnuhreyfingar hernámssvæða þjóðverja í seinni heimsstyrjöldinni, kærðu sig líka kollótta þótt dráp þeirra á þýskum hermönnum urðu til þess að grimmilegar hefndaraðgerðir hófust strax af hálfu SS og SD, þar sem jafnvel öllum íbúum heilu þorpanna var slátrað.

Himmler heimtaði að Varsjá yrði lögð í eyði vegna uppreisnarinnar í ghettóinu.

Frelsishreyfingar hafa alltaf réttlætt afleiðingar gjörða sinna með því að tilgangurinn helgi meðalið, ofbeldi er kúgunartól fátæka mannsins, sagði maður við mig um daginn, og lýsti sig tilbúinn að beita samborgarana ofbeldi til að koma sínu á framfæri og koma ríkisstjórninni frá. Þessi hugsun er hættuleg og fölsk, því ofbeldi færir okkur ekkert annað en meiðsli og dauða, meira ofbeldi.

Tími blóðhefndarinnar er liðinn, og undarlegt að vilja viðhalda henni.....en til er líka blóðsamviska, sem segir að aumingja mamma og pabbi þessa eða hins, hafi þjáðst svo mikið að nú megi þessi eða hinn, aðeins hefna sín...hann á það jú inni. Blóðsamviskan er ekkert betri en blóðhefndin, allt er þetta fyrst og fremst óður til ofbeldisins, við ýmist réttlætum ofbeldið eða beitum því....

....sorglegt.

Barist strax eftir vopnahlé

Sprengiefni í heimagerðar sprengjur.

Þegar ég var gutti, lékum við vinirnir okkur að því að taka sundur flugelda og búa til eitthvað skemmtilegra úr þeim, t.d. var vinsælt að brjóta fremri hlutann af tiltekinni rakettu og tína þaðan út kínverja og svokallaðar sólir sem þar voru. Kínverjarnir ( frekar litlir ) voru því næst teipaðir saman og sprengdir margir í einu. Ég minnist þess að það vakti ekki alltaf lukku hvað við völdum að sprengja upp.

Sólirnar ( sem ekki springa ) og það sem eftir var af rakettunni var því næst notað í " bardaga " milli tveggja " liða ", sólunum kastað en prikinu með rakettunni ( sem nú var án sprengiefna ) haldið í útréttri hendi og skotið að " óvininum ". Enginn meiddist þó í þessum tilfæringum okkar, að undanskildum einhverjum sem fengu smá brunablöðrur. Hörmulegt hvernig fór fyrir drengnum í fréttinn.

Svo óx maður upp úr þessari vitleysu.

Næsta kynslóð fór að búa til rörasprengjur, það er svolítið annað og sú kunnátta hefur bara vaxið síðan. Í ofanálag við það kemur svo sú staðreynd, að flugeldar verða stærri og öflugri, sbr tívolíbombur og skyldar vörur. Það má því leiða líkum að því, að rörasprengjurnar verði stærri og vandaðri að sama skapi. Það er allavega , einu sinni á ári amk, hægt að kaupa hér löglega allt sem þarf í öfluga alvöru sprengju.

Þessvegna velti ég fyrir mér, í ljósi ástandsins í þjóðfélaginu, hvort öllu sprengiefninu sem keypt var fyrir áramótin, hafi verið skotið upp.......

Óvíst um sjón eftir flugeldafikt

Ísraelskur hermaður fallinn!

Og hversu margir óbreyttir borgarar ? Hversu mörg börn ? Hversu mörg börn verða " fallin " áður en yfir líkur. Hvar er UN núna ? Hvar er sjálfskipuð alheimslögreglan USA ? Í raun og veru er rétt að spyrja hvar erum við öll !?

Hundruð þúsunda hafa misst heimili sín og lífsviðurværi í átökum ofstækismanna á báða bóga, tugir þúsunda látið lífið, og börnin eru alin á hatri og drápskennslu.

Þetta er næg ástæða til að við skiptum okkur af, en spurningin er; hvernig?

Fréttaflutningur af þessu tagi er gagnslaus, óþarfur og stendur í vegi fyrir sannleikanum.

Ísraelskur hermaður fallinn

Allir sem styðja svona hernað, hvoru megin sem þeir standa, ættu að......

...fara á staðinn og skoða sjálfir sundursprengd húsin og horfast í augu við börnin, og þá dauðu, hlusta á og horfa á örvæntinguna, sogast með flóttafólkinu á stjórnlausan og vitstola flótta, á vit dauða eða algerrar óvissu. Það er samviskulaus óður til ofbeldisins að styðja annanhvorn aðilann, taka þátt í að réttlæta ofbeldið, og þar með viðhalda ofbeldinu. Áróður í formi lyga, ritskoðunar og trúarbragðanna, hefur slævt umheiminn fyrir því sem gengur á þarna. Það eru aðallega staðalímyndir af gyðingum og múslimum sem lita sýn þess fólks sem lætur glepjast, og tekur þátt í að viðhalda úreltum og afskræmdum hugtökum, viðhalda forsendunum.

Engir fjölmiðlar hér á landi hafa t.d. birt neitt annað en gefið er út að " rétt " sé að birta. Engin tilraun gerð til að horfa til þeirra sem eru fórnarlömbin, engin tilraun gerð til að sýna neitt annað  en það sem þeim er rétt......

.....það er löngu kominn tími til að heimurinn láti báða aðila vita að þessi endalausi hernaður á hendur óbreyttum borgurum verði ekki liðinn, eða hvað ?

Landher Ísraels inn á Gaza

Nú er skrattanum skemmt......

Enn einu sinni er hernaði beitt gegn óbreyttum borgurum og á einhvern undarlegan hátt það réttlætt með masi um mikilvægi þess að stöðva hernað gegn óbreyttum borgurum.........

....sorgleg og stórkostleg þröngsýni viðkomandi afla.

Báðir aðilar eru sama marki brenndir og fórnarlömb þeirra þau sömu.

Íbúar yfirgefi heimili sín

Þeir sem leggjast niður með hundum, fá flær......

...og orðspor deyr aldrei, eða hvað ?

Ekki virðast meðlimir Ísland - Palestína álíta það, frekar en ríkisstjórn Íslands. Það er nefnilega enginn munur á blóðþorsta og drápum Hamas og Zíonista, og það er fráleitt að það þjóni neinu öðru en ofbeldinu að viðhalda þeim hugtökum sem hafa skapað þetta ástand. Meðan fólk er skoðað út frá öðrum forsendum en þeirri staðreynd að um fólk er að ræða, þá verður það í besta falli status quo sem hægt verður að ná fram.

Óbreyttir borgarar eru skotmörk beggja, báðir vega úr launsátri, báðir telja sig í höndum guðs síns og hafa þar með rétt og skyldu til að drepa annað fólk án nokkurrar eftirsjár eða miskunnar. Í ansi hreint mörg ár slátruðu kristnir líka hvor öðrum og öllum öðrum. Trúarbrögðin hafa á báða bóga verið misnotuð og afskræmd til að slátra fólki og niðurlægja, til að beina sonum gegn feðrum, dætrum gegn mæðrum, til að útrýma þjóðum.....

.....þjóðernishyggjuleg ofsatrú Zíonista og yfirgangur svokallaðra landnema, á sér held ég aðeins eina hliðstæðu og það er Nasjónalsósíalisminn, af öllum stefnum sem hægt er að reyna að líkjast, velja Zíonistar Nasismann, það er meðal annars til ný-nasismaflokkur í Ísrael!

En baráttuaðferðir Hamas minna líka óþægilega á vissan Úkraínumann sem þótti mikilvirkur böðull  í þjónustu nasista, samviskulaus hernaður á hendur óbreyttum borgurum, í bland við deilur við " kollega " sína. 

Hvorugur aðilinn á nokkra samúð eða stuðning inni hjá alþjóðasamfélaginu, það eru aðeins fórnarlömbin sem eiga samúð inni, en stuðninginn skyldi veita í það að hugsa um fólk, án formerkja eins svona eða hinsegin fólk. Skyldur okkar við meðbræður okkar liggja í samkennd með þeim ofsóttu ekki ofsækjendunum, liggja í fordæmingu ofbeldisins óháð hver beitir því. 

Fólk hefur á þessum slóðum sem öðrum, sömu væntingar og ótta, sömu þrár og sömu vonbrigði og  annarsstaðar. Munurinn er bara sá að það er líka sprengt í tætlur af ástæðum sem þeim er sama um og jafnvel ókunnugt um.

Sameinumst gegn ofbeldinu, ekki með öðrum hvorum.

FRIÐUR er samvinnuverkefni.

Vilja slíta samskipti við Ísraela

Að hengja bakara fyrir smið..........

Það er svo merkilegt hvernig saklausir þurfa oft að þjást fyrir syndir sem þeir drýgja ekki sjálfir. Sumir borga reikninga sem þeir stofnuðu ekki til, aðrir týna mannorðinu, vinnunni, vinunum, jafnvel fjölskyldunni. Sumir missa eigur sínar líkt og þeir sem áttu húsin við horn Lækjargötu og Austurstræti, og brunnu ekki alls fyrir löngu, og voru jafnvel vændir um að eiga einhvern hlut að máli...

...sem ég veit að er ekki rétt.

Nýlega barst mér það til eyrna að ófagleg uppsetning á ljósi í sjoppukrílinu Fröken Reykjavík, hafi verið valdurinn, (taka ber fram að það var enginn úr ágætri stétt rafvirkja eða úr hópi rafverktaka sem bera ábyrgð áþessu tiltekna verki)

Nú leikur mér forvitni á að vita hvort sú ábyrgð sem löggiltur rafvirki axlar við vinnu sína, yfirfærist ekki á leikmenn ganvart t.d. tryggingafélögum ? Þarna varð umtalsvert tjón fyrir eigendur húsnæðis og fyrirtækja sem voru þar til húsa, svo ekki sé minnst á menningarlegt stórtjón.

Nei, lágvaxnir virðulegir ófaglærðir rafvirkjar, með uppskafningsleg yfirskegg með snúningi, eiga ekki að setja upp loftljós.....hvað þá að búa þau til sjálfir.

Þá þarf ekki að skilja aðra eftir í súpunni, enda ber það vott um heiðni.........

Er byltingin pökkuð inn í pólitíska rétthugsun?

Undanfarnar vikur hafa íslendingar mótmælt í þúsundatali á Austurvelli, en ekki uppskorið nokkurn skapaðan hlut. Einstaka aðilar hafa gengið lengra og kastað eggjum og haft hátt.....braaaaavvvvó.....er þetta allt og sumt? Á bara að standa með skilti sem enginn horfir á og fara illa með matvæli ? Geta íslendingar ekki betur?

Þetta þykja mér vera sýndarmótmæli og í raun sami sofandaháttur og komu okkur í klípuna, ég skora hér með á fólk að leggja bankaræningjana og hagsmunavarðhunda .eirra í einelti.....já ég skrifaði EINELTI!!!

Þetta fólk á hvergi nokkursstaðar að fá frið, ekki heima, ekki þegar það keyrir börnin í skólann, ekki í ræktinni, í sundi, í Hagkaupum, í bíó, á veitingahúsi.....hvergi! Við eigum að berjast við þetta pakk með kjafti og klóm (án þess þó að beita líkamlegu ofbeldi) .ví að það er skylda okkar gagnvart afkomendum okkar. Það er fullur bílstjóri að keyra um með börnin okkar....

.....og heldur einhver í alvöru að hann lesi skilti ?

Gerum líf þessa fólks óbærilegt og þvingum þau til að SEGJA AF SÉR OG BIÐJAST AFSÖKUNAR!!

Annars þurfum við að biðja börnin okkar og barnabörnin afsökunar á undirlægjuhætti okkar sjálfra.

Tónleikar á Café Rósenberg 5 og 6 des.

Nú er komið að því, Mogadon heldur tónleika á Café Rósenberg við klapparstíg 5. og 6. des. Þann fimmta verður hljómsveitin með hjartavermandi rólegheit en þann sjötta með leynigesti og partífíling........allir velkomnir og frítt inn.