ER ÉG ÞEGN EÐA BORGARI ?

Ég er hrifinn af hugtakinu "lýðræði ". En á stundum erfitt með að sjá tenginguna við veruleikann. það verður sífellt erfiðara.

Í mínum huga er það markverðasta sem gerðist 1944, sú breyting á högum okkar að við hættum að vera þegnar Konungs og urðum borgarar í lýðræðisríki. Eitthvað hafa nú valdsmenn okkar misskilið þetta, því það er sem ríkisvaldið líti á okkur borgarana sem þegna sína og eru sífellt að ganga lengra í viðleytni sinni til að tryggja völd sín og ósnertanleika. Valdboð er ekki, í mínum huga, það sem ríkisvaldið ætti að  standa fyrir, enda aðeins með UMBOÐ til valdsins. Það er nefnilega töluvert mikilvægara en sumir halda. Þetta er grundvallaratriði, og enginn ætti að vera í myrkrinu með það.

Við erum smám saman að fórna lýðræðinu fyrir leti, vænisýki byggða á fjölmiðlum, vantrú á mátt okkar gegn ríkisvaldinu, og barnaskap þegar kemur að spillingu og valdníðslu stjórnmálamanna.

Þetta þykir mér sorglegt, og vil meina að hér sé búið að gera stólpagrín að 17 júní 1944. Stjórnmálin einkennast af flokkadeilum og skítkasti,innanbúðar erjum og rýtingum. Það er ekki gæfulegt, þegar fjölmiðlar og fólkið lepja svo allt upp og viðhalda vitleysunni með þátttöku sinni. Mig dreymir um daginn sem við hættum að leika með í þessum ljóta leik, og ENGINN mætir á kjörstað.

Það er orðið augljóst að fyrst að kosningar eru jafnvel ekki bindandi, fólk flakkar á milli ráðuneyta, embætta og jafnvel flokka, þá er lýðræði ekki það sem við búum við. Við þurfum að taka til. Meira að segja þingræðið stangast orðið á við lög sem eiga að tryggja lýðræðið, þar sem gert er ráð fyrir því að löggjafa- framkvæmda- og dómsvald skuli aðskilið, þá er það nú samt svo að ef menn fá mierihluta á Alþingi, þá eru þeir sjálfkrafa með meirihluta í ríkisstjórn. Sitja því beggja vegna borðs. Svo má í því samhengi minna á að dómarar eru pólitískt skipaðir og það verður að teljast óásættanlegt að flokkahagsmunir geti þar nokkuð komið nærri.

Því spyr ég, er ég þegn eða borgari ? Svari nú hver fyrir sig.

FRIÐUR ( er aldrei vafaatriði )

Athugasemdir

[Auðun Gíslason, 31.5.2008 kl. 00:05]

Heyr, heyr!  Lýðræðið er flott svona af afspurn.  Hvenær fáum við að kynnast því?

[Viðar Freyr Guðmundsson, 31.5.2008 kl. 03:26]

Þið bara kunnið ekki á lýðræðið, ef þið haldið að kjörkassin sé ykkar eina vopn.

Vissulega er mikil flokkapólitík, en það er hægt að ganga í þann flokk sem stendur manni næst, fara á flokksþing og tala fyrir máli sínu. Á flokksþingi er síðan ákveðið hvaða stefnu flokkurinn á að hafa. Ef þú ert enn ósammála öllum flokkunum, þá bara stofnarðu þinn eigin flokk.

Þið getið einnig haft heilmikil áhrif með því að senda ráðherrum og þingmönnum athugasemdir við lagafrumvarpi, en á Íslandi er mjög auðvelt að koma athugasemdum á framfæri til allra þingmanna sökum smæðar þjóðar okkar.

Svo að lokum: Þótt ýmsir embættismenn séu 'pólitískt skipaðir' þá þýðir það ekki að þeir séu undir hælnum á þeim sem skipaði þá. Ert þú t.d. undir hælnum á þeim sem réði þig í vinnu ? Þarfu að gera allt sem hann segir og fylgja stefnu hans eins og róboti, þrátt fyrir að það stangist á við betri vitund þína ? (kannski ertu svo óheppinn, en þá geturðu alltaf fengið þér aðra vinnu)

Það er minnsta spilling í heimi á íslandi og mesta gegnsæið í pólitík. Ísland: best í heimi!  

[Haraldur Davíðsson, 1.6.2008 kl. 11:22]

heyr heyr.....

[Georg P Sveinbjörnsson, 1.6.2008 kl. 13:39]

Lýðræðið er því miður aðeins notaleg blekking svo að fólkið geti ornað sér við þá blekkingu að það ráði einhverju í raun og að það skipti einhverju raunverulegu máli hvað flokkur er við völd. Margir hanga á þessari tálsýn fram í rauðann dauðann.

[Viðar Freyr Guðmundsson, 2.6.2008 kl. 16:14]

Ef það hefði verið farin meðmælendaganga með virkjunarframkvæmdum, hefði hún verið ennþá fjölmennari.. allt að því: 300.000 - 15.000 .. Lýðræði þýðir jú, að meirihlutinn ræður, en ekki þeir sem hafa hæst. Meirihlutinn kaus þessa fulltrúa, það væri ólýðræðislegt af þeim að fara gegn óskum meirihlutans.

Hverskonar lýðræði væri það, ef farið væri eftir óskum allra mótmælendahópa ? Það þyrfti þá að hafa meðmæla göngur líka, til að hægt sé að segja eitthvað annað en 'nei'.. Nei, þá er flokkapólitíkin skárri..

En ég er sammála því að flokka-lýðræði er ekki hið fullkomna kerfi. Og það væri sjálfsagt að kjósa í öll þessi embætti sem þú taldir.