"Konan mín beitir mig ofbeldi....." ertu þá ekki bara aumingi?

Það var mikið að þessi hlið málsins komi fram. Karlar eiga nefnilega líka við ofbeldi að glíma...líkamlegt sem andlegt.

Það má nefna hluti eins og það að það telst réttmætt að kona slái mann...en ekki að maður slái konu.

Það telst eðlilegt að ungir drengir séu markvisst fóðraðir á því að þeir séu væntanlegir nauðgarar, barnaníðingar og ofbeldismenn.

Það telst eðlilegt að ungum drengjum sé gert að skoða sín gildi og áhugamál sem eitthvað samfélagslega skaðlegt og úrelt.

Það telst eðlilegt að einstæðir feður njóti ekki sömu réttinda og einstæðar mæður.

Það telst eðlilegt að fráskildar mæður geti stýrt samskiptum barna sinna við feðurna með hótunum, og tilfinningalegri- og félagslegri kúgun.

Það telst ekki með ef karlar eru beittir kynferðislegu ofbeldi af hálfu konu, og/eða kynferðislegu áreiti...enda bara hlegið að körlum sem kvarta undan slíku.

Það er löngu kominn tími á að hætta þessu kynjabundna kjaftæði.

Ofbeldi er ofbeldi, og fólk er fólk, konur myndu beita líkamlegum yfirburðum sínum á nákvæmlega sama hátt og karlar ef þær gætu, þessi sjálfumglaða og hrokafulla afstaða sumra kvenna til ofbeldis er heimskuleg og beinlínis dragbítur á vinnuna gegn ofbeldi.


mbl.is Heimilisofbeldi gegn körlum óþekkt stærð
Tilkynna um óviðeigandi tengingu við frétt

Röð aðgerða breytir miklu um árangur allra verka...

Nýlega var samþykkt að veita föngum færi á að enda afplánun sína í vímuefnameðferð...þetta er svosem góðra gjalda vert, en hvað er verið að gera með því í raun og veru ?

Það þykir mér undarleg stefna sem einungis tengir vímuefnameðferð fanga við lok afplánunar, en ekki upphaf. Bæði er það uppgjöf fyrir, og viðurkenning, á lyfja- og vímuefnamisnotkun í fangelsum..og einnig er verið að kasta á glæ kjörnu tækifæri til að koma fanga í afplánun með það markmið að bæta sig...ef hægt er að láta fanga hefja afplánun með "hreinan" líkama, er vonin til bata mun meiri, möguleikarnir á að einstaklingurinn verði betri borgari og skili sér ekki aftur í fangelsið, óvéfengjanlega meiri, og þetta á ekki síst við um yngstu fangana. Fíkill sem er á leið í afplánun, er fyrst og fremst á leið þangað vegna fíknar sinnar...svo eigi betrun hans að eiga möguleika, er nauðsynlegt að gera mönnum kleyft að hefja afplánun í meðferð/afeitrun......mig langar að vita hvað stendur í vegi fyrir þessu...


Á að svipta verðandi mæður sjálfræði sínu ef þær neyta áfengis á meðgöngunni?

Ef móðirin neyddi áfengi ofan í barnið eftir fæðingu þess, þá litu sennilega allir svo á, að hún ætti ekki að fá að hafa barnið í sinni umsjá...er öðruvísi að skilja barnið eftir með drykkfellda móður á meðgöngunni? Ég verð að segja að þarna átti að setja konuna inn á sjúkrahús, vinna í að flýta fyrir því að losa líkama hennar við áfengið...skoða ástand móðurinnar...og tryggja að hún væri ekki ógn við barn sitt áfram.

Mér þykir með ólíkindum að hún skyldi send heim og látið nægja að láta barnaverndaryfirvöld (andvarp) vita...það er augljóslega mikið að konu sem drekkur sig ofurölvi á 7. mánuði meðgöngu...á almannafæri..en hvorki öryggi barnsins né hennar var tryggt með þessari niðurstöðu....


mbl.is Þunguð kona ofurölvi í miðbænum
Tilkynna um óviðeigandi tengingu við frétt

Ekki tengt stríðinu milli erlendra og innlendra glæpahópa....ekki beint nei en...

...kristjanítarnir eru að reyna að slíta kannabissöluna aftur úr höndum þessara gengja, sölu sem yfirvöld færðu gengjunum á silfurfati með lokun sölubásanna í Kristjaníu. Og nú eru bæði lögreglan og glæpahóparnir komnir í stríð við kristjanítana, sem hafa hingað til verið eini hópurinn í skandinavíu sem sýnt hefur þá samfélagslegu ábyrgð að halda kannabissölunni á einum stað og utan seilingar glæpahópa sem einnig selja heróín crack og crystal-meth...niðurstaðan er ...borgarastyrjöld, skotárásir og handsprengjur í Köben....lögreglan er úrræðalaus, en heldur samt áfram að herja á Kristjaníu vegna þrýstings frá pólískussum sem ekki sjá útfyrir kristalskúluna sem þeir búa í...þetta getur ekki flokkast undir neitt annað en stórkostlega heimsku og ábyrgðarleysi.
mbl.is Alvarlega slasaður eftir sprengingu í Kristjaníu
Tilkynna um óviðeigandi tengingu við frétt

Hvað skyldi nú hafa startað þessu götustríði milli erlendra og innlendra glæpahópa?

....einhverjar hugmyndir?
mbl.is Ný skotárás á Norðurbrú í Kaupmannahöfn
Tilkynna um óviðeigandi tengingu við frétt

Actavis að byrja aftur á framleiðslu eins mest misnotaða verkjalyfinu í USA...

...Hillbilly-heróín er það kallað, ásamt lyfinu Oxycontin. Þessi tvö lyf eru heróín sveitamannsins..og fína fólksins sem kemst illa í heróín og/eða kæmust ekki upp með notkun heróíns..svo er sjálfsblekkingin auðveldari með læknalyfin..."þetta er lyf..ég fékk þetta hjá lækninum...ég er ekki að nota dóp.."

Hér á landi er lyfið Contalgin það lyf sem mest er notað af þeim sem væru að nota heróín ef þeir kæmust í það, það er líka það  vímuefni sem drepur flesta vegna ofskömmtunar og líffærabilunar...

...en enginn vill samt kalla Actavis dópframleiðanda...neeeeii...þeir framleiða lyf...

...hættulegustu efnin á götunni koma frá læknum, lyf eins og Contalgin, Rivotril og Morfín. Þetta eru lyf, séu þau notuð til lækninga en vímuefni séu þau misnotuð. Það er notkunin sem kveður á um hvort viðkomandi efni er dóp eða lyf...ekki efnið...ekki lögin...ekki framleiðandinn. 

Actavis-menn vita fullvel að mjög mikið af þeirra framleiðslu á Oxycodone fer í misnotkun, þeir vita örugglega hlutfallið af lyfinu, sem fer beint í svarta-markaðinn, það er einfaldlega góður bissness..

..eina samkeppnin er heróínið....enda styðja lyfjafyrirtækin " stríðið gegn vímuefnum" dyggilega.

Hræsni?


mbl.is Lyf Actavis á markað í Bandaríkjunum á ný
Tilkynna um óviðeigandi tengingu við frétt

WTF??? Hverskonar þvættingur er þetta?

Það er ekki einleikið hvað hægt er að rugla með tölur.

95% þeirra sem nota ólögleg vímuefni byrjuðu á áfengi...eigum við ekki að banna áfengi?

þetta er fyrst og fremst spurning um aðgengi, og þá ekki síst hvað varðar yngstu neytendurna.

Sá sem selur kannbis er líklegast að selja hörð efni líka, og þá kemur inn hugtakið "pusher" sem er ekki það sama og "dealer", pusherinn vill selja allt sem hann er að selja, skiljanlega, og hann reynir að "ýta" öðrum efnum að kannabiskaupandanum, sé um að ræða ungling tekst pushernum það yfirleitt, og það ekki síst vegna þess að enginn talar við krakkana fyrr en inni á Vogi. Ég hef aldrei orðið vitni að því t.d. aðseljandur áfengis og tóbaks séu að reyna að fá mig til að kaupa vodka frekar en bjór...nú eða reyna að selja mér tóbak þegar ég kaupi kaffi....

Sé einstaklingur sem reykir kannabis, orðinn spraututfíkill þegar hann kemur á Vog, er það ekki kannabisneyslan sem er orsök komu hans þangað...heldur amfetamínið og kókið og ellurnar og læknadópið sem hann er að sprauta í æðarnar á sér. Að skoða komu hans sem komu vegna kannabisneyslu er ekki bara rangt, heldur hættuleg yfirlýsing. Það gerir nefnilega illt verra að mata fólk á röngum upplýsingum. Þegar krakkarnir sjá í gegnum bullið á mánudegi, þá hlusta þau ekki á þriðjudeginum....

Það er ótrúlegt hvað þessi umræða öll er fölsk og sandkassakennd, boð og bönn virka ekki, það ættu allir að vera farnir að sjá. Boð og bönn, hinsvegar gera fullt af annars löghlýðnu og samfélagssinnuðu fólki að glæpamönnum, kannabisneytendur eru krossfestir hér á bloggheimum sem siðspilltir og glæpahneigðir einstaklingar af fólki sem ekki hefur hugmynd um hvað það er að tala. Þetta veldur útaf fyrir sig, allskyns ósóma, eins því að geðsjúkir einstaklingar í neyslu eru hundeltir og fordæmdir, og samfélagið leggst á sveif með sjúkdómnum og ýtir sjúklingnum út í horn og stimplar hann siðspilltan...glæpahneigðan...dópistaaumingja. Það veldur því líka að forvarnir og fræðsla eru í lágmarki, og algjörlega úr takti við raunveruleikann.

Persónulega sé ég ekki að hægt sé að lögleiða kannabis, eins og staðan er í dag. Til að hægt sé að reyna það á einhvern skynsamlegan máta, þarf fyrst að taka fyrir eina kynslóð eða svo, og fræða hana almennilega, fræðsla um þetta á að vera inni í námsskrá grunnskóla, fylgjandi heilbrigðis- og samfélagsfræðslu. Við gefum krökkunum ekki tækifæri á að læra um þessi mál fyrr en á Vogi...eða Litla-Hrauni....og þar fá þau líka annarskonar fræðslu....og ekki endilega á þeim nótum sem lagt er upp með á þeim stöðum.

Að halda því fram að meirhluti kannabisneytenda misnoti önnur efni líka er óábyrgt og hreinlega fölsuð niðurstaða...því fráleitt meirihluti kannabisneytenda leitar sé meðferðar á Vogi, þessar tölur eru því ekki marktækar, og ég vil lýsa yfir megnri andúð á því að forsprakkar forvarna- og meðferðarstarfs, leyfi sér að taka þátt í því að ala á fordómum, og ala á ranghugmyndum og leyfa sér að stimpla alla kannabisneytendur sem neytendur annara efna líka...þetta eru grófar og tilhæfulausar ásakanir sem einhver ætti að biðjast afsökunar á.

Veltum fyrir okkur því að þetta er frekar til þess fallið að sýna notkun harðra efna sem "eðlilega" þróun neyslu kannabisefna...krakkarnir lesa líka blöðin...

Verum ábyrg, kennum börnunum að bera ábyrgð á sjálfum sér og SEGJUM ÞEIM SATT!!!

 


mbl.is Örvandi fíkniefni fylgifiskur kannabisneyslu
Tilkynna um óviðeigandi tengingu við frétt

Hvað er í gangi..vilja menn frekar að það sé verslað við Al-Kaída eða Hells Angels?

Þá spurningu vantar í þessa umræðu alla. Bróðurparturinn af fíkniefnagróða framleiðenda kannabis í heiminum fer í skipulagða glæpastarfssemi og vopnakaup. Þetta er viðurkennd staðreynd.

Hingað til hefur nánast all fé úr kannabissölu á Íslandi endað í útlöndum til áðurnefndra nota. Heimskreppan og gjaldeyrishöft hafa hinsvegar sett framleiðendum og smyglurum stólinn fyrir dyrnar, og það mátti vera fyrirsjáanlegt að niðurstaðan yrði þessi. Framleiðslan færist þá yfir á sjálfsþurftar stigið, bæði á markaðsskala sem og einstaklinginn. 

Það sem hinsvegar er svona nokkurskonar aukaafurð af þessu er það, að peningarnir rúlla nú hér í okkar hagkerfi, og fjármagn glæpahringja og herskárra hópa, minnkar sem því nemur.

Ég fullyrði að þrátt fyrir það munu þessir aðilar reyna hvað þeir geta að halda sínum mörkuðum og viðskiptum, og það með valdi ef þurfa þykir. T.d. má benda á að framleiðendur kannabis í N. Afríku, ópíum í Afghanistan, og kókaíns í S. Ameríku, eru með heila heri í kringum sig. Hér á landi eru að mestu leiti sömu formerki í þessu málum eins og annarsstaðar, en þó erum við sérstök um margt.

Hér er tiltölulega auðvelt að fylgjast með öllum sem hingað koma, og hér eru. Hér eru skipulagðir hópar erlendis frá, ekki búnir að hasla sér völl að neinu ráði, hér er mannfæðin slík að samskipti og upplýsingaflæði eru áþreifanlegri og sjálfgefnari en víðast annarsstaðar. 

En hér eru hátt á þriðja þúsund kannabisneytenda, þetta er stór hópur sem hefur verið að þróast þannig að meðalaldurinn hækkar (sem betur fer) og hlutfall þeirra sem ekki nota kannbis að staðaldri hækkar, samkvæmt upplýsingum frá Þórarni Tyrfingssyni, yfirlæknis á Vogi. Þetta fólk mun á einn eða annan hátt fá sitt kannabis, spurningin er aðeins sú hvaðan það kemur, og í því tilliti er vert að minnast þess hverjir hagnast á því kannabis sem smyglað er inn í landið.

Persónulega er ég ekki fylgjandi því að lögleiða bara sisona...en það þarf að endurskoða þessa löggjöf, og skoða alla þætti málsins. Ýmsar forsendur hafa t.d. breyst og / eða misst meiningu sína jafnvel, síðan þessi löggjöf var samþykkt, og það á ekki að láta sem tímarnir breytist aðeins ef það er notalegt og kósý, áhættulaust og áreynslulaust... allt er breytingum háð.


mbl.is Önnur stór verksmiðja upprætt
Tilkynna um óviðeigandi tengingu við frétt

Blysför til Jóku.......hvað varð um bálför kerfisins?

Hvernig stendur á því að allur bógur er úr mótmælunum? Hvernig stendur á því að nú flykkjast spekúlantar byltingarinnar til liðs við FLOKKANA?

Þetta þykir mér fádæma undirlægjuháttur, að gefast upp nú, á lokasprettinum látum við flokkakerfið síga framúr...þetta er ekki handboltaleikur!! Það þýðir ekkert að segja " það gengur betur næst", það gagnast ekki að fara bara aftur að sofa!!  

Ég tek undir með Evu Hauks og segi að þeir sem ákafir börðu sína potta og höfðu hátt á Austurvelli, en ganga nú erinda flokkanna eru BYLTINGARSVIKARAR......sem hefðu verið hengdir upp í næsta staur fyrr á tímum...

Framtíð okkar er enn á spilaborðinu...peningarnir okkar eru enn í höndum þjófa, vernduðum af spilltum pólískussum...flokkar sem eru við stjórnvölinn nú eru máttvana og sundurlausir enda hagsmunir þeirra mikilvægari en þjóðarinnar....eins og tíðkast yfirhöfuð í þessu ólánskerfi sem flokka/einkavinakerfið sem við höfum burðast með eins og hlekki um háls okkar...

BURT MEÐ FLOKKAKERFIÐ! BURT MEÐ ÞINGRÆÐIÐ!


mbl.is Blysför til Jóhönnu
Tilkynna um óviðeigandi tengingu við frétt

Eru undirmenn dómsmálaráðherra að halda úti fólki við að grafa undan samborgurum sínum, og stimpla það geðveika glæpamenn....

...á netinu? Á þræði Hlédisar vinkonu minnar (disdis), hafa verið einstaklingar ákafir mjög að sverta heiður þeirrar ágætu konu, sem og annara, og gert það undir dulnefni. Þetta er svosem ekkert nýtt, en það sem er nýtt er að þegar ip-tölurnar eru skoðaðar kemur í ljós að þessar persónuárásir eru að koma úr tölvu í tölvumiðstöð dómsmálaráðuneytis......!!!!

Hvað er í gangi? Er þetta gert með vitund yfirmanna? Er þetta gert í óleyfi? Er þetta eitthvað sem flokkast sem eðlileg vinnubrögð? Er verið að siga fólki á samborgara sína með það verkefni að grafa undan heiðri fólks, og gera það tortyggilegt? Er verið að vinna markvisst að því að þagga niður í fólki...sverta mannorð þeirra?

Hvað finnst ykkur um að það séu einstaklingar að störfum hjá framkvæmdavaldinu sem vinna jafn ósvífið gegn lýðræðinu? 

Einhver reyndi að afsaka þetta á forsendum tjáningarfrelsis...hahahahah....það á augljóslega ekki við um þetta....þetta er grafalvarlegt mál og ég vil nota þetta tækifæri til að hvetja ráðuneytisstjórann að gera hreint fyrir dyrum ráðuneytisins, enda eign okkar, ekki þeirra sem vinna þar.


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband